SAMPLE PHONE SCRIPT
CALL Consul General Grigor Hovhannisian (818) 265-5900
Calling is quick, easy and important—usually taking less than 2 minutes.
What to expect:
The receptionist will likely answer your call and write down your message. You should ask to speak with the Consul General himself but only rarely will you be transferred to the actual Consul or his deputies. Be sure to leave a message with the receptionist if you don’t get through to the Consul.
What to say:
Introduce yourself, mentioning your town or city, and then leave your message.
Hello, my name is [FULL NAME], I am an Armenian-American from [TOWN or CITY] and I’d like to speak to Consul General Grigor Hovhannissian.
I’m calling today to express my anger and disappointment over the Sargsyan administration’s consideration of the Turkey-Armenia Protocols.
These protocols are unacceptable to the Armenian community because they:
1. Question the reality of the Armenian Genocide through the creation of a “historical commission;”
2. Surrender our rights to Western Armenia by formally recognizing Turkey’s current borders and;
3. Challenge Armenia’s ability to successfully defend the independence of the Nagorno-Karabagh Republic.
I call on the Consul General to convey our community’s opposition to these Protocols to Armenia’s President and Foreign Minister.
I’d like to hear back regarding my concerns and the Armenian government’s response to our community’s opposition to these Protocols. I can be contacted at ______________. Thank you.
LET TURKEY ADMIT ITS GUILTS FIRST,
DO NOT TRUST TURKEY.
7 or tert
Բաց նամակ Սերժ Սարգսյանին. «…առաջին հայ ղեկավարն եք, որ ծնկում է թուրքի առաջ մի փոր հացի՝ սահմանի բացման համար»
——————————————————————–
2009-09-24 11:36
Երկար ժամանակ մտորում էի՝ արդյոք արժե՞ գրել այս նամակը ձեզ, թեև անկախ նամակիս բովանդակությունից՝ ստեղծված դրությունն էլ ոչնչով հնարավոր չէ փոխել, սակայն իմ մեջ գլուխ բարձրացրեց համարձակությունն ասելու այն, ինչը կուտակվել է իմ մեջ, ինչը պարտավոր եմ ասել՝ հուսալով, որ նամակս բեկում կմտցնի հայ-թուրքական հարաբերությունների Ձեր մոտեցումներին: Նախ՝ ասեմ, որ չեմ կասկածում Ձեր հայրենասիրությանն ու նվիրվածությանը, սակայն Ձեր նախաձեռնությամբ թափ առած հայ-թուրքական հարաբերությունների կարգավորումը լեցուն է անկանխատեսելի զարգացումներով ու ողջ ազգին անակնկալ անակնկալի հետևից մատուցելով՝ նախ՝ ազգի թիկունքին Շվեյցարիայում ապրիլի 22-ին «ճանապարհային քարտեզ», իսկ օգոստոսի 31- ին՝ նորից Շվեցարիայում կնքված «փոխադարձ սահմանների ճանաչման» արձանագրությունը, որն անակնկալների գագաթնակետն էր, երևակայությունից վեր, որ հայ մարդ է այդ արձանագրության տակ իր ստորագրությունը դրել, որը փակեց մեր ազգի առաջ Հայոց ցեղասպանության՝ միջազգայնորեն ճանաչման ու մեր պահանջատիրության բոլոր դռները, ուստի չեմ կարող շողոքորթել ու նամակս գովասանքի խոսքերով համեմել, քանզի Ձեր թեթև ձեռքով փշրվեց երազանքիս ոսկե կուժը, երազանք, որ իմ սրտի խորքում փայփայել եմ շուրջ 45 տարի, երազանք, որ հանդիսացել է կյանքիս միակ իմաստը…
Երազանք, որ հարյուր հազարավոր հայորդիներ են ծոցել իրենց սրտի խորքում, որ սերունդներին ժառանգեն մեծ ու հզոր Հայաստան: Իհարկե, Ձեր հնարավորություններն անչափ շատ են, իրավունքներն՝ առավել ևս, բայց որ ամբողջ ազգի անունից ծնկում եք թուրքի առաջ, կույր մարդուն է անգամ տեսանելի, որը նսեմացնում է հայ մարդու արժանապատվությունը՝ մի բան, որ թուրքին է հատուկ: Մի՞թե Դուք դեռ հետևություններ չեք արել Ձեր հորինած հնարամտության՝ «ֆուտբոլային դիվանագիտության» դառը պտուղներից, որը վերածվեց սիրախաղի, ու ազգի թիկունքին՝ գաղտնիության քողի տակ, ապրիլի 22-ի կեսգիշերին Շվեյցարիայում ստորագրվեց «ճանապարհային քարտեզ» հակահայ համաձայնագիրը, որը մոլորության մեջ դրեց, խառնեց հայամետ Օբամայի բոլոր խաղաքարտերը. արդյունքում Օբաման իր ապրիլքսանչորսյան ելույթում չարտաբերեց միջազգայնորեն ընդունված «Genocide» տերմինը: Օբամայի ելույթի հետ ապրիլի 24-ին ստացանք Ձեր սիրախաղի առաջին դառը պտուղը: Ինչո՞ւ եք ամբողջ ազգին դարձրել Ձեր հորինած սիրախաղի՝ «Ֆուտբոլային դիվանագիտության» պատանդը: Ո՞վ է ձեզ իրավունք տվել միանձնյա՝ առանց համայն հայության հավանություն, առանձնապես պահանջատեր սփյուռքի համաձայնությունն
ունենալու մեր դարավոր թշնամու հետ հանուն սահմանի բացման ողջ ազգին թուրքի առաջ ծնկի բերեք։ Դուք ապտակեցիք այն մարդկանց դեմքին, ովքեր իրենց կյանքն անշահախնդիր նվիրել են
հայոց Մեծ եղեռնի միջազգային ճանաչմանն ու դատապարտմանը, որոնցից մեկն էլ տողերիս հեղինակն է: Ձեր թեթև ձեռքով շատ հեշտ ու հանգիստ ջուրը գցեցիք նրանց գործադրած ջանքերը, լոբբիստական աշխատանքներն ու ահռելի գումարները, որ տրամադրվել էին հաղթանակի հասնելու երազանքով:
Մի՞թե Դուք չեք զգում, որ հայտնվել եք աճպարարությամբ, ստով ու կեղծիքով շաղախված թուրքական դիվանագիտության որոգայթում, մի թակարդ, որ ամբողջ ազգին եք ներքաշել ճահիճը, որտեղից դուրս գալն այլևս անհանար է լինելու: Դուք ինքնագոհ Ձեր սիրախաղով, որ կարողանում եք մերձենալ ու թուրք վերնախավի հետ ձեռքսեղմումի անմոռանալի պահեր ունենալ, Դուք ձեր երևակայական հնարամտությամբ ու տղայական շտապողականությամբ ողջ ազգի համար թակարդ լարեցիք ու ստիպում եք՝ ազգովի լուռ ու մունջ ենթարկվենք Ձեր կամայականությանը: Դուք այսօր արհամարհում եք անգամ Դաշնակցության հետ խորհդակցելը, նրանց կարծիքը լսելը, մի կուսակցություն, որ եղեռնից հետո իր ուսերին է վերցրել միջազգայնորեն Ցեղասպանության ճանաչումն ու դատապարտումը, մեր տարածքների վերադարձը: Զարմանալիորեն Ձեզ չի հետաքրքրում, թե ինչո՞ւ է այսօր Դաշնակցությունը նստացույց, հացադուլ անում, Ձեզ չե՞ն հետաքրքրում այն պատճառները, որ նրանց մղել են այս ծայրահեղ քայլին, թե՞ համառորեն կոծկում եք արտգործնախարարի ազգադավ գործողությունները, որ չբացահայտվեն:
Վաղուց էի նկատել, որ Ձեր խոսքի ու գործի մեջ սարերի չափ տարբերություն կա. մի՞թե սահմանի բացումն այդքան անհրաժեշտություն է, թե՞ մի խումբ բիզնեսմենների կամքը կատարելու, նրանց միլիոնները կրկնապատկելու համար ազգովին այդքան թանկ ենք վճարելու…
Կարո՞ղ եք գոնե գեթ մի հարցիս պատասխանել. ի՞նչ է նշանակում «սահմանների փոխադարձ ճանաչում»։ Չե՞ք կարող պատասխանել, ես կպատասխանեմ. անարգվել է մեր 1,5 մլն նահատակների սուրբ հիշատակը՝ հարյուրամյա ճանապարհ անցած մեր ցավերի ցավը, ծովից ծով պատմական հայրենիքի վերադարձն այլևս դարձավ անհաuանելի երազանք. հրաժարվել պահանջատիրությունից, կասեցնել աշխարհով մեկ գործող Հայ դատի աշխատանքները… աշխարհի աչքին երևալ զրպարտիչ՝ մեր առաջ փակելով բոլոր դռները: Սահմանի բացման հետևանքների մեջ այժմ չեմ ուզում խորանալ, միայն թռուցիկ ասեմ, որ ողջ ազգը դառնալու է չարչի՝ թուրքն արտադրի, հայն՝ իրացնի, մեր բուհերն էլ են փակվելու, իսկ որ նորից թուրքն արմատներ է գցելու բուն Հայաստանում, դա անառարկելի է, իսկ հետևանքնե՞րը… չեմ շարունակում, քանզի «Սահմանի բացման վնասների» մասին վաղուց եմ գրել իմ ընդարձակ վերլուծությունը: Իսկ եթե ուզում էիք սահմանը բացել ու դիվանագիտական կապ հաստատել Թուրքիայի հետ, այն էլ՝ առանց նախապայմանների, ինչպե՞ս եղավ, որ օգոստոսի 31-ին այսպիսի խայտառակ նախապայմանի՝ «Վերահաստատելով երկու երկրների միջև գոյություն ունեցող ընդհանուր սահմանի փոխադարձ ճանաչումը՝ սահմանված միջազգային իրավունքի համապատասխան պայմանագրերով» արձանագրության տակ ստորագրություն դրվեց: Կարծիք է ստեղծվում, որ մի երրորդ երկրի ներկայացուցիչ է այդ արձանագրության տակ դրել իր ստորագրությունը, ոչ հայ մարդ. հայ մարդու ձեռքը պիտի կոտրվեր այդ պահին…
Մի՞թե Ցեղասպանությունն ուրանալու հաշվին պետք է բացվեն այդ սահմանները, մեր գերի ընկած սահմանները: Միամտություն կլիներ մտածել, թե Գյուլը կընդուներ ձեր «ֆուտբոլային հրավերքն» ու կգար Հայաստան՝ ֆուտբոլ դիտելու, կամ Դավոսում Էրդողանի բեմականացված պահվածքը Պերեսի երեսին շպրտելով՝ «Դուք մարդասպան եք, քանի որ Գազայում երեխաներ եք սպանում», լքելով դահլիճը՝ չմոռացավ հանդիպել Ձեզ հետ… Մի՞թե ռազմավարական գիտելիքների պակասը չէ, որ այս քայլերը մանրակրկիտ վերլուծության չեն ենթարկվել Ձեր կողմից՝ հաշվի չառնելով ամենակարևոր հանգամանքը, որ եթե այսօր թուրքը բացի սահմաններն ու դիվանագիտական հարաբերություններ հաստատի, մենք այլևս իրավունք չուենք Ցեղասպանության մասին անգամ թեթև ակնարկել, կամ Ադրբեջանի խնդրում թուրքի կամքին հակառակ քայլ՝ մյուս օրը մեր դեսպանը կարտաքսվի Թուրքիայից, սահմանն էլ կփակվի, հայկական ապրանքներն էլ կբոյկոտվեն…
Մի՞թե փորձադաշտ են մեր ազգային խնդիրները, ու Դուք այսօր Ձեր շուրջը հավաքելով կուսակցությունների ղեկավարներին՝ փորձում եք համոզել որ Դուք ճիշտ եք՝ Ձեր գործողությունների հետագա անհաջողությունների մեղսակիցը դարձնելով նրանց։ Բայց այդ 52 կուսակցական ղեկավարներով չէ, որ պիտի որոշվի այնպիսի հարց, ինչպիսին Ցեղասպանությունն է ու հայկական տարածքները։ Ո՞ւմ է գաղտնիք, որ կուսակցության ղեկավարների, Ազգային ժողովի պատգամավորների 99%-ը բիզնեu ունեն ու հետապնդում են իրենց սեփական շահերը, որ սահմանները բաց լինեն, ու իրենց գրպանների պարունակությունը եռապատկվի ու քառապատկվի… Նրանց հայրենասիրության չափը համեստորեն լռելն է, իսկ դիվանագիտական ձախողումների գլխավոր մեղավորը վաղը Դուք եք ճանաչվելու, ու Ձեր ճակատին է դաջվելու դավաճանի խարանը. սերունդներն անեծքով են հիշելու Ձեր անունը։ Այս է դառը իրականությունը։
Դավաճանությունը պոզով ու պոչո՞վ է լինում… Ունեցե՛ք համարձակություն՝ ընդունելու Ձեր սխալը և ճանապարհի կեսից գոնե հետ կանգնե՛ք, որ հնարավոր լինի՝ Ձեր սխալ քայլերը սրբագրել կարողանանք: Վաղուց էի նկատել, որ Ձեր խոսքի ու գործի մեջ սարերի չափ տարբերություն կա։
Չի կարող կարգավորման, դիվանագիտական հաստատման, բարիդրացիական հարաբերության մասին խոսք լինել անգամ, երբ այն կառուցվում է անարդարության հիմքի վրա, երբ մեր ուղեղից ու սրտից փորձում եք ջնջել Հայկական Ցեղասպանությունը, մեր 1,5 մլն նահատակներին, մեր պապերի երկիրը, այն դեպքում, երբ մենք մեծ շանսեր ունենք մեր տարածքներին տեր կանգնելու՝ միջազգային դատարանով Թուրքիայից պահանջելով մեր այն տարածքները, որոնք ամրագրված են Ամերիկայի 28-րդ պրեզիդենտ Վուդրո Վիլսոնի «Իրավարար վճիռում», որը չունի վաղեմության ժամկետ, հաստատված է Ամերիկայի մեծ կնիքով՝ 18 պետությունների մասնակցությամբ (22 նոյեմբերի, 1920թ.):
Հայ-թուրքական սահմանների ճանաչման հարցը ոչ միայն հայաստանյան կուսակցությունների կամ Ազգային ժողովի լուծման խնդիրը չէ. այն համայն հայության հանրաքվեն միայն կամրագրի՝ Ձեր գործողություններին «այո՞» ասի, թե՞ «ոչ»: Թեև Ձեզ համարում եք համայն հայության նախագահ, բայց այսօր ցավով պիտի արձանագրեմ, որ թքած ունեք սփյուռքի կարծիքի վրա՝ էժան ծախելով սփյուռքի 100-ամյա պայքարի ճանապարհ անցած Ցեղասպանության միջազգայնորեն ճանաչման գործընթացը: Փաստացի դուք այսօր օգնում եք թուրքին, որ աշխարհով մեկ գործող Հայ դատի գրասենյակները դադարեցնեն իրենց լոբբիստական աշխատանքները: Տարիներ ի վեր Թուրքիան հայցում էր հրեական լոբբիի աջակցությունը՝ հակազդելու Կոնգրեսի վրա՝ օրակարգից հանելու Ցեղասպանության հարցը։ Հիմա դրա կարիքը չկա. Ձեր օգնությամբ Թուրքիան հրաժարվեց հրեական լոբբիի աջակցությունից, քանզի նրանց վրա ծախսվող միլիոններն այնքան օգտակար չէին կարող լինել, ինչպես Ձեր հորինված սիրախաղի, որն ամբողջ աշխարհին մոլորեցրեց. անգամ այն 22 պետություններին, որոնք ընդունել էին Հայոց ցեղասպանությունը, դրեց անելանելի դրության մեջ: Իսկ մյուս պետություններն այս ֆոնի վրա այլևս իրենց խորհրդարաններում Ցեղասպանության թեմային կանդրադառնա՞ն։ Երբե՛ք…
Ու այս զրոյական դիվանագիտական ռազմավարական գիտելիքներով երկիր եք ղեկավարում, ազգային անլուծելի հարցեր լուծում հեշտ ու հանգիստ՝ մատների արանքով նայելով, մոռանալով, որ գործ ունեք ցեղասպան, խորամանկ, խարդախ, սուտը բերանում աջ ու ձախ շաղող թուրք հրեշի հետ, որ ձեռքսեղմումի պահին իրեն բարեկամ է ձևացնում, բայց մի քայլ այն կողմ նույն թշնամին է, իրենց
ցեղասպան նախնիների իսկական ժառանգորդները…
Առաջին հայ ղեկավարն եք, որ ծնկում է թուրքի առաջ մի փոր հացի՝ սահմանի բացման համար, որի հետևանքներն, օգուտներն ու վնասներն անգամ նժարի վրա չեք դրել, բայց խաղասեղանին եք դրել մեր հազարամյա պատմական տարածքները և արդեն խաղը տանուլ եք տվել։ Ցավոք, համարձակություն չունեք խոստովանել: Այսօր ձեր հորինած «Ֆուտբոլային դիվանագիտությունն» աշխատո՞ւմ է Թուրքիայի օգտին:
Թուրքիան հաղթեց ոչ միայն ֆուտբոլում, այլև դիվանագիտորեն։ Ես, որ միշտ քննադատել եմ երկիրը ցնցումների մեջ պահող ընդդիմության հանրահավաքները, քննադատական հոդվածներով հանդես
եկել, այսօր այս ճակատագրական պահը հաղթահարելու համար համազգային ընդվզման կոչ եմ անում։ Միայն այդ դեպքում կկարողանանք փրկել մեր պահանջատիրության իրավունքը, ինքնասիրությունն ու արժանապատվությունը… Որակումներս խիստ են, պարո՛ն նախագահ, բայց, ցավոք, այս է դառը ճշմարտությունը՝ ընդունեք, թե չընդունեք:
Սթափության կոչ եմ անում՝ հանուն մեր ազգային շահերի, հանուն մեր նահատակների սուրբ հիշատակի, հանուն մեր ազգային արժանապատվության:
Սոնա Արշունեցի-Բրյուսել
(Գրող, հրապարակախոս, Հայ դատի պաշտպան)
Turky must Admit the Genocide first.
Armenia is not for sale.
Mr. President Obama you have no right to pressure Armenians to
sign the Protocols.
Mr. President Sarkyssian
YOU have NO right to bargain about Armenian Genocide and the right of victimized West Armenians,
YOU have NO right to bargain the lands that belonged to West Armenians
YOU have NO rights to bartgain Artzakh’s Independance it has been always Armenian land.
Establishments/Sellers: Serge Sarkessyan Corporation/
Republican Party of Armenia/
Orinatz yergir party/
Levon Ter Petrossian/
Robert Kotcharian/
Vazken Manoukian/
and others
Date: October 10th. 2009
Document: INVOICE/PROTOCOLS
Buyers: Gul/Erdoghan/Davitoglou
Item Sold: 1/ Armenia
2/ Artzakh
3/ Armenian Diaspora
4/ Nakhichevan
5/ Chavakh and
6/ Western(hisorical) Armenia
Martyrs: Arthur Megerditchian
Vazken Sarkissyan
Garen Demidjyan
Antranig Manoukyan
Salesman: Edward Nalbandyan
Referals from: Nato, Russia, Europeen Union and Swisserland
ՆԱՄԱԿ ԲՐՅՈՒՍԵԼԻՑ
—————————————
ՀԱՐԳԱՐԺԱՆ ՀՅԴ ԳԵՐԱԳՈՒՅՆ ՄԱՐՄՆԻ ԸՆԿԵՐՆԵՐ
ՄԻ´ ՀԱՊԱՂԵՔ, ՀԱԿԱՔԱՅԼՆ ԱՆԵԼՈՒ ԺԱՄԱՆԱԿՆ Է
* ************************************************************************************************************************
ճիշտ է այս պահին ինձ մոտ տրամադրության անկում է կապված Շվեյցարիայում հոկտեմբերի 10-ին ստորագրված հայ-թուրքական փաստաթղթերի ստորագրման հետ, բայց կարծում եմ, բոլոր անելնելի վիճակներ պետք է ունենան իրենց խելացի լուծման ելքերը.
ճիշտ է զգում եմ ՀՅԴ -ը նորից փորձում է հավատալ իշխանություններին, սակայն վատ չէր լինի զգուշավորությունը Ցեղասպանության միջազգայնորեն ճանաչման և պահանջատիրության հետագա մեր քայլերն ու իրավունքներն ամրապնդող շանսերը չկորցնելու համար:
ԻՄ ԿԱՐԾԻՔՈՎ
Որպեսզի ապահովվգրված լինենք հետագա դժվար, անելանելի վիճակներից, որ կբերեն այս փաստաթղթերը ՑԵՂԱՍՊԱՆՈՒԹՅԱՆ , ՊԱՀԱՆՋԱՏԻՐՈՒԹՅԱՆ մեր հետագա պայքարի ճանապարհը փակող,
կարծում եմ Ամերիկայի Հայկական Համագումարը արտահերթ համագումար պիտի հրավիրի ու “Հայ-Դատի” Գերագույն մարմինը մեր երեք ավանդական կուսակցությունների մասնակցությամբ Շվեյցարիայում ստորագրված փաստափուղթը անվավեր ճանաչի: Այդ փաստաթղթում պետք է հիմնավորված
փաստեր ներկայացվի, որ 3 միլոնանոց Հայաստանը չի կարող վճռել 7 միլիոնանոց սփյուռքի ճակատագիրը. պահանջատեր սփյուռքի…
Չպետք է անտեսել նաև այն փաստը, որ Շվեյցարիայում հոկտեմբերի 10-ին ստորագրված փաստաթղթերը ստորագրվել են ոչ միայն սփյուռքահայության, այլ նաև բուն Հայաստանի ժողովրդի կամքին հակառակ:
Թուրքիա -Հայաստան հարաբերություններում ստորագրված փաստաթղթերում շատ կետեր անմիջապես պարտադրված, լավ քողարկված նախապայմաններ են հայկական կողմի համար:
ՀԱՅԿԱԿԱՆ ՀԱՄԱԳՈՒՄԱՐԸ 7 միլ սփյուռքի անունից պետք է հայտարարություն
տարածի, որ Շվեյցարիայաում ստորագրված արձանագրություններն անընդունելի են սփյուռքի համար և չի ճանաչում այդ փաստաթղթերի իսկությունը: Ինչքանո՞վ է
հիմնավոր ու արդար, որ ազգային ժողովի իշխանամետ մի խմբակցություն’ Հանրապետականը , որը մեծամասնություն է
ու ընդամենը մի բուռ մարդ պետք է վճռեն 7 միլ սփյուռքահայության ճակատագիրը և զրկեն մեզ մեր հայրենիքի պահանջատիրական իրավունքներից:
****************************
Մոտավորապես նման բովանդակությամբ պետք է մի զորավոր փաստաթուղթ խմբագրվի գեղեցիկ, հիմնավոր փաստերով Ամերիկայի Հայկական Համագումարի կողմից և ուղարկվի բոլոր
այն պետությունների արտգործնախարարներին, ովքեր փորձում են արջի ծառայություն մատուցել Թուրքիային. Հ. Քլինթոնին, Լավրովին, Սոլանային, Քուշներին, Զբոգարին, անգամ Դավութoղլուն… Հեղինակավոր լրատվամիջոցների ու կտրականապես պնդել, որ Հայ-թուրքական արձանագրությունները կվավերացվեն ու ընդունելի կլինեն միայն ու միայն համայն հայության ՀԱՆՐԱՔՎԵԻ արդյունքում: Աշխարհասփյուռ հայության համար անընդունելի է որևէ երրորդ երկրի միջամտությունը: Աշխարհի մեծերի երկրորդ դեմքերի մասնակցությունը այս ստորագրվող փաստաթղթերին, շահագռգռվածությունն ու ներկայությունը հայ ժողովրդի կողմից դիտվում ու ընկալվում է հովանավորչության տակ առնել Ցեղասպան Թուրքիային. աջակցել, ճնշում գործադրել Հայաստանի վրա ու պարտադրել հանուն սահմանի բացման ու դիվանագիտական հարաբերությունների հաստատման հայ ժողովուրդի հիշողությունից ջնջվել Հայոց ցեղասպանությունը, որը մեզ կզրկի մեր պահանջատիրական իրավունքից:
Հայ ժողովուրդը հաճախ է դարձել գերտերությունների խարդախ խաղերի զոհը և
այսօր նույն է փորձվում իրագործել արդեն ուրիշ մեթոդներով ու մեխանիզմներով.
պարտադրանքով. գլոբալիզացիայի պահանջներին համապատասխանեցնելով , պահանջելով բաց սահմաններ ու դիվանագիտական հարաբերություններ, առաջ նայել ու մոռանալ անցյալը, որի արդյունքում շահող կողմն է հայտնվում Թուրքիան:
Այս ստոր քայլերին փորձվում է մասնակիցը դարձնել հայ մարդուն. իրագործել Հայաստանի նախագահի ու արտգործնախարարի անմիջական մասնակցությամբ, որը ինքնստիքյան անջրպետ է առաջացնում սփյուռքի ու Հայաստանի միջև, այսինքն այն ինչ այսքան տարիներ ի վեր փորձում էր իրագործել Թուրքիան, բայց չէր հաջողվում…
այսօր աշխարհի տերերի ընդհանուր ջանքերով փորձում են իրականություն դարձնել
Հայաստանի նախագահի ու արտգործնախարարի ձեռքով: 1,5միլ հայության թափած արյունը փորձում են ջնջել մեր հիշողությունից, որի հետ հարմարվելը հավասար է հանցագործության: ճիշտ է մեր նահատակներին հետ վերադարձնել հնարավոր չէ, բայց մեր ծովից -ծով Արևմտյան Հայաստանի հողերը կենդանի են ու սպասում են իրենց տերերին:
*************************************************************************************
Նմանատիպ բովանդակությամբ լավ խմբագրված
Հայկական համագումարի կողմից տարածվող Հայտարարությունը կարծում եմ շատ
բան կփոխի ու մեր “Ազգընտիրներին” սթափ մտածելու, ծանր ու թեթև անելու,
առիթ կհանդիսանա:
Թեև ասում եմ, բայց ես իմ ասածին վստահ չեմ, քանի որ Ազգային ժողովի ընտրյալները, եթե ազգային մտածելակերպ ունենային, էս օրին չէինք հասնի ու սահմանի բացումն էլ չէին փոխանակի ցեղասպանություն հետ:
Հայրս մի լավ բանաստեղծություն ունի հենց այդ մասին գրած.
*
Ամեն մարդ իրեն մեռելին կուլա,
ՈՒրիշի լացին դու մի հավատա.
Մի բան որ չունի սրտի հորդ աղբյուր,
Որտեղի՞ց հնչի գովքը ջերմհամբյուր …
*
Կգա այդ օրը, որ Նախագահը ականջները կկախի ու կզգա, որ իր կատարածը տղայական քայլ էր ու առավելապես մեծ տերություններին դուր գալուն էր միտված, քան թե ազգին օգուտ տալուն, իսկ այս իմիտացա ստեղծող հայրենասիրական թխած ճառերով չեն կարող ողջ հայությանը երկար կերակրել, քանզի ստի ոտը կարճ է :
Նրա այս բոլոր ազգադավ քայլերը ավելի է հզորացնում Թուրքական դիրքերը, որ ավելի վճռականորեն մերժեն ցեղասպանության իրողությունը ու խուսափեն պահանջատիրության պատասխանատվությունից: Թուրքիան երբ կուլ տա այս ոսկորը , հերթը կհասնի Ադրբեջանի տարածքների վերադարձին: Ամեն բան պայմանավորված է ու մտածվածին. այդ օրն էլ կգա, այսինքն ոչ թե կգա , այլ այս օրերին Էրդողանը
չի դադարում բարձրաձայնել, որ Հայկական զորքերը պետք է դուրս գան Ղարաբաղի գրավյալ տարածքներից, իսկ Դավութoղլու ժպիտը երբեք չեմ մոռանա. դա հաղթողի ժպիտ էր,
որը սիրտս խոցեց դաշույնից էլ ուժեղ:
*************************************************************************************
ՊԵՏՔ Է ԼՈՒՐՋ ՄՏԱԾԵՆՔ ԱՅՍ ՈՒՂՂՈՒԹՅԱՄԲ ՈՒ ՉՀԱՊԱՂԵՆՔ, ՔԱՆԶԻ ԺԱՄԱՆԱԿՆ ԱՇԽԱՏՈՒՄ Է ԹՈՒՐՔԻ ՕԳՏԻՆ:
*
ԱՍՏՎԱԾ ՄԵՐ ԱԶԳԻՆ ՊԱՀԱՊԱՆ
ԼԱՎԱԳՈՒՅՆ ՄԱՂԹԱՆՔՆԵՐՈՎ’ ՍՈՆԱ ԱՐՇՈՒՆԵՑԻ ԲՐՅՈՒՍԵԼ
(գրող-հրապարակախոս, “Հայ-դատի” պաշտպան)